MANILA, Philippines — Hindi na kailangang magbayad ang mga rider para sa pagpaparehistro ng kanilang custom-made top boxes at saddle bags, ayon sa Land Transportation Office (LTO) nitong Lunes.
Nilagdaan ni LTO Chief Markus Lacanilao ang memorandum na nag-aalis ng ₱100 registration fee para sa bawat accessory, bilang tulong sa mga rider na umaasa sa kanilang motorsiklo para sa kabuhayan.
Mananatiling required ang pagpaparehistro upang matiyak ang kaligtasan at pagsunod sa pamantayan, ngunit ipagkakaloob na lamang ang certification bilang patunay sa halip na official receipt. Inutusan ang lahat ng tanggapan ng LTO na ipatupad agad ang bagong patakaran.
